كلام حب - ملتقى الحب و الرومانسية بامتياز كلام حب - ملتقى الحب و الرومانسية بامتياز
recentpost

آخر المواضيع

recentpost
رسائل حب
جاري التحميل ...

قصة بالدارجة المغربية 2

قصة بالدارجة المغربية



راهم جاو خطبوني اليوم، جا بابا قال لماما بلي جارنا القديم جاب ولدو وباغي يخطبني. ملي جات ماما تهدر معايا قاتلي محتاجاك. ضاق صدري، قعدنا فبيتي وقاتلي بلي مكتوبي جاني وانا مهبطة راسي، هي يسحابلها حشمانز ولكن انا غير خايفة نبكي قدامها، قلبي كان يتقطع وانا نهز راسي قتلها وي راني قابلة، فرحات مسكينة ومشات عند بابا تفرحو، خلاتني بوحدي فبيتي، بكيت وبكيت وبكيت درت المخدة فوجهي وعيطت باسمك عيطت وبكيت، واش فراسك؟ ديما ملي تنبكي عليك عينيا تايزيدو يحمارو، ياك نتا لي كنت تقلي عينيك يوليو كي الدم. دابا راني نحس فالدم يسيل منهم، علاش ماشي نتا لي جيتي تخطبني من عند بابا؟ علاش زعما؟؟
تفاهمو نهار الجمعة يجيو، باش تشوفني الواليدة ديالو و خواتاتو، عيطتلي ختي الكبيرة باش نخرجو نشريؤ شي حاجة نلبسها،مايهمنيش، قاتلي العشية نخرجو، دابا نخرج عادي ماكاينش لي يقلي ماكاينش الخروج.
فراسك بلي توحشت تقولي ماتخرجيش؟ ولا ملي تقولي مرتي مانحبش يشوفوها الناس، دابا مرتك غايديها راجل غريب، فراسك؟ مشيت شريت الكسوة اللولة لي لقيت ماكنتش باغا نتسارا، ختي فرحانة كتر مني، راني عيانة نعس شوية ونكمل ليك.
ماقدرتش نعس، تنغمض عيني كاتجيني تصويرتك باللبسة لي عزيزة عليا، راني عيانة بزاف، 3 أيام منعستش
ماما كاتهدر معا ماماه، كايتفاهمو وقتاش يجيو، قلبي تيضرب والدمعة ساكنة في عينيا، وانت راك تحت التراب، وانا غنولي تع راجل آخر



راني نموت كل نهار يا عمري
فراسك بلي نهار قتلوك ف l'accident؟ ماتيقتش، خوك يقولي راه مسا وانا نقولو فين؟ مابكيتش بقيت يابسة كي الحجرة، قلت لماما ديني لقبرو مابغاتش! وقاتلي لا لا خاسك تكملي حياتك وهي مافخبارهاش باي نتا هو حياتي،
اليوم الجمعة، راهم جايين ماما تقولي ضحكي وانا نقولها لا لا ياك لي اختارو قلبي مات؟ قاتلي عيشي حياتك،
جات مو وخالتو وختو، ناس مزيانين، ولكن ماشي بحال عائلتك نتا، عجبتهم ولكن والله ماهدرت كلمة والله ماضحكت.
بقات الهدة بين الرجال دابا
غادي نموت من لداخل. راني نتقطع. واخا عامين هادي باش مشيتي كيتك مازالا في قلبي!! ربي يرحمة ويصبرني ولا يديني! ماعرفت ماندير دابا؟ ياك نتا راجلي ماشي هو؟؟
تفاهمو بلي العرس من بعد شهرين مالين دار قبلو وانا غير ساكتة
قرينا الفاتحة وعقدنا، جا لبسلي الخاتم، وشفت لعريس ماكنتش مرتاحة الضحكة مابغاتش تطلع،
شراولي واحد القفطان ماشفتو حتى لبستو، مابغيتش نمشي لعند لكوافورة
مازالة تندير ريحتك، جابهالي خوك بعد لي صرا، قالي راني عارفك محروقة كتر مني، حس بيا خوك وماما محستش بيا
بقالي شهر ونمشي عروسة ماباغاش نتفكر ولكن كلشي تيفكرني
توحشتك يا عمري وانا مازال تنحبك بحال شحال هادي و كتر ونمرتك مازالة فتيليفوني لي ميساج كلشي باقي، توحشتك بزاف نطلب من ربي يلاقيني معاك







للمزيد من القصص بالدارجة المغربية : http://urlz.fr/4m5p

عن الكاتب

كلام حب

جميع الحقوق محفوظة

كلام حب - ملتقى الحب و الرومانسية بامتياز