كلام حب - ملتقى الحب و الرومانسية بامتياز كلام حب - ملتقى الحب و الرومانسية بامتياز
recentpost

آخر المواضيع

recentpost
رسائل حب
جاري التحميل ...

قصة حب حقيقية

قصة حب بالدارجة المغربية



قصة حب بالدارجة المغربية


تعرفت على إنسانة بدات علاقة تعارف تطورات العلاقة بشكل كبير... خلينا من حب ديال المراهقة زعما ناس ناضجين بجو ج... اقتنعت بيها بشكل كبير قلبا و قالبا ماشي لزينها ولا لشكلها حبيت فيها صفات عمرني لقيتهم فشي بنت متفاهمين فكولشي تا من الأدواق وكنا تنتفاهمو غير بالغمزة دوزنا عام عمر وقع بينتنا أبسط مشكيل وإلى وقعات كاع شي حاجة واحد تيتنازل وتنرجعو بحال تا حاجة مكايناش...تنستاشر معاها فأبسط وأتفه مشكل عندي تا هي نفس الشيء ديما تنكملو بعضياتنا مشاركين الحلوة والمرة... نساتني فالبنات كاملين..قنعت من الزنقة..ومكانت تتستهويني ولا تتغريني حتى أنثى ولاو تكون آية فالجمال....تنرفع راسي عاليا وهي خارجة معايا تنعتز بها... تنفتخر بيها وهي معايا ماشي لجمالها ...لا... لطيبوبتها وأخلاقها الرائعة...تنقولها معايا امرأة ونص... وليت جزء من حياتها اليومية عطاتني واحد الإهتمام عطف حنان كنت تنتيق أي كلمة كانت تتقولها لي..تتهضر معايا وتنشوف فعينيها الصدق والإخلاص..وكنت تنقوليها نتي ملاك نزلو الله من السماء وأنا لي فزت به... بنيت عليها آمالي و طموحاتي ومستقبلي اعتبرتها سندي فالحياة علمتني معنى الحياة..عمرني كذبت عليها فتا حاجة... ثقة عمياء...تا هي نفس الشيء كنت كولشي بالنسبة ليها تتقولي عمرني نتصور راسي مع شي حد آخر ولا نكون لشي حد من غيرك ولا نعيش بلا بيك ولا نتخلى عليك مهما كانت الظروف...ماجامعنا لا طمع لا تا حاجة محددة..وأية حاجة بيناتنا تتجي بوحدها بتلقائية وعفوية... تنتوصلو بشكل يومي...خلاصة القول أعشقها والله.
 من بعد ماوجدت راسي واستعديت للزواج ماديا ومعناويا تقدمت بنية صافية وقلب صادق اقترحت عليها الزواج...وكانت المفاجئة أنني جيت معطل وتفرض عليها الزواج والزواج ماشي ساهل....وحجة النصيب والأرزاق والقدر......وزيد وزيد وزيد.....!!!
 وتغير كولشي رأسا على عقب... لا من معاملة لا من تصرفات لا من كولشي....استسلمت القذر.....خبيت أسرارها.....مسحت ذكراياتها... تمنيت ليها السعادة وراحة البال وخا مع غيري... ومبغيت تصيبها تا حاجة لا من قريب ولا من بعيد... رغم الفراق ورغم الألم رغم الأوجاع رغم كولشي..من قلبي سمحت ليها والله.... حيث ببساطة بغيتها وعشقتها بصدق ...والمضحك فالأمر قالت لي:" سمي بنتك على سميتي ههههههههه"
 ومن تم كرهت الزواج ومايجي منو...لذالك تنوصي أي كوبل متفاهمين و مرتاحين لبعضياتهم يتقدم لدارهم قبل فوات الأوان...ولا عيش صولو ديال راسك واستمتع بوقتك...بلا فريع الراس ديال البشر..."ولا تستهلك الشعور الصحيح مع الشخص الخطأ كي لا يأتي الشخص الصحيح ويجد الإحساس الخاطئ"...واكتشفت أن الحياة السعيدة معندها تا علاقة باقتراب أو ابتعاد أي شخص ...خلق السعادة لراسك....ومكاين لي يعرف قيمتك قد ميمتتك....تهلا فالأم ديالك نبع الحنان لي عمرها تغير عليك.....عيش حياتك...وخوي راسك...تحياتي...والله إلى كولشي بصح.

عن الكاتب

سهام البارودي

جميع الحقوق محفوظة

كلام حب - ملتقى الحب و الرومانسية بامتياز