كلام حب - ملتقى الحب و الرومانسية بامتياز كلام حب - ملتقى الحب و الرومانسية بامتياز
recentpost

آخر المواضيع

recentpost
رسائل حب
جاري التحميل ...

قصة حب دامت لسنوات لكنها انتهت بقتل الحبيب لمحبوبته (قصة بالدارجة المغربية)

جوناثن وأليكسيا دافال


جوناثن وأليكسيا دافال عاشوا قصة حب من المراهقة وتزوجو من بعد ما كبروا وكلشي كان كيشوف فيهم كوبل سعيد ورائع وأنه كيبغيها وهي المرأة ديال حياتو .. حتى اختفت واحد نهار فشهر أكتوبر من بعد ممشات تلعب رياضة ديالها، جوناتن بلغ البوليس لي قلبوا عليها وفظرف 48 ساعة لقاوها فلغابة لي موالفة كتمشي تجري فيها مقتولة ومحروقة. 

كانت صدمة كبيرة للمدينة كلها وعلى رأسهم جوناثن وواليديها، لي كانوا كيخرجوا فلقاءات صحفية وكيعبروا غلى الحزن العميق ديالهم .. وخصوصا جوناثن لي كان غير كيبكي وكيدير خطابات مؤثرة جدا وهو غارق فدموعو .. المدينة كلها تعاطفات معاه خصوصا أنه معروف بطيبة ديالو وأنه شخص خدوم بزاف وبشوش ودارو سباق رمزي تخليذا لذكرى أليكسيا لي كانت كتعشق الجوغينغ .. وشارك فيه جوناثن وتلقى تعازي ديال الناس وكلشي مصور والصحفيين حاظربين .. 

الشرطة محبساتس هنا عمقات البحث وحاجة خلاتهم يتبعو جوناثن هو أنه واحد من لبوليس كان شاف شي أثار ديال لقميش فيديه ملي كان جا بلغ بالإختفاء دمراتو .. وحاجة أخرى أنهم جابو الأم ديال الضحية وسولوها على الغطاء لي لقاوه مع اليكسيا وأكدات أنه ديال الكوبل وفايت شافتو عندهم ..
الشرطة جابت جوناثن وحققات معاه ونكر وبكى .. وفالأخير اعترف .. قتلها من بعد مارجعوا فليل من عند دارهم وهزها بليل وداها لاحها فلغابة .. وصباح مشا لخدمة عادي جدا وكان جالس كيقشب مع المدير ديالو ومشا لعند ماماه وتغدا معاها ومن بعد مشا ديكلارا بلي مراتو اختفت .. حب عمرو لي دوز تلات شهور وهو حزين عليها.

جوناثن عزا للأمر لأن مراتو كانت كتعنفوا وكتعصب بزاف وأنه منواش يقتلها فقط بغا يسكتها وهو يصدق قاجها 

عن الكاتب

كلام حب

جميع الحقوق محفوظة

كلام حب - ملتقى الحب و الرومانسية بامتياز