كلام حب - ملتقى الحب و الرومانسية بامتياز كلام حب - ملتقى الحب و الرومانسية بامتياز
recentpost

آخر المواضيع

recentpost
رسائل حب
جاري التحميل ...

أفكار جميلة لقضاء عيد الحب جميل رفقة من تحب

أفكار جميلة لقضاء عيد الحب جميل رفقة من تحب

أفكار في عيد الحب لمن تبعدهم المسافات


الإعداد لعشاء مشترك أو حضور حفلة أو فلم
يمكنكما ترتيب وقتكما لتناول العشاء معاً في نفس الوقت وليقم كل واحد منكما بتحضير طبقه المفضل، ثم الإجتماع أمام شاشة الكمبيوتر وتناول عشاء مشترك إفتراضي؛ وإذا كان الأمر متاحاً، يمكن لأحدكما أن يرسل للآخر وجبته المفضلة عبر خدمات التوصيل المتنوعة.

إن عدم قدرتكما على اللقاء في ذلك اليوم لا يعني أبداً أن تقضيا اليوم في المنزل كل واحد بمفرده. يمكنكما الترتيب للخروج ومشاهدة أحد الأفلام أو العروض الكوميدية ومشاركة الأحداث فيما بعد على شبكة الإنترنت أو القيام بمغامرة ومشاركة الصور بينكما لتكون ذكرى لطيفة لهذا اليوم.

تقديم الهدايا ورسائل عيد الحب
يمكنكِ أيضاً صناعة هدية يدوياً، مثل رسالة مزينة بالقلوب والورود أو ألبوم صور يجمعكما أو أي هدية تظهر أنكِ قد قضيت الوقت في إعدادها لإسعاد الطرف الأخر، وإشعاره بأنه على البال وفي القلب.

في حالة كانت الوسيلة الوحيدة للتواصل بينكما هي الرسائل الإلكترونية، يمكنكِ البدء في إرسال رسائل عيد الحب قبل حلول هذا اليوم بإسبوع على سبيل المثال. كما يمكنكِ أن ترفقي هذه الرسائل بالصور التي تعبر عن الحب أو يمكنكِ إرسال رسائل مكتوبة عبر البريد.

إرسال الهدايا والرسائل المتعددة
يمكنكِ إعداد سلة من الأشياء المحببة لحبيبكِ بحيث تصله في يوم عيد الحب كهدية مميزة منكِ. يمكن لهذه السلة أن تحمل عطركِ المفضل لتذكيره بكِ وملابس تشعره بالدفء، كما يمكن أن تحتوي على بعض الحلوى وغيرها من الأشياء اللطيفة التي تبقي شعلة الحب متأججة حتى عن البعد.

يمكنكِ إرسال مجموعة من الرسائل التي تناسب مواقف متعددة ومختلفة والتي يمكن للطرف الأخر أن يفتحها عند الحاجة؛ مثلاً: افتح هذه رسالة عندما تشعر بأنكَ تفتقدني وهذه الرسالة افتحها عندما تشعر بالوحدة وهذه عندما تشعر بالحزن، إلى أخره من المواقف التي يحتاج فيها حبيبكِ مساندتكِ وحبكِ.

المواظبة على التواصل والتذكير بحبكما
يمكنكما عد الأيام الباقية على لقائكما ووضع ورقة في إناء في كل يوم بها أكثر شيء يحبه كل واحد فيكما في الآخر. وعند لقائكما، يمكنكما تبادل الأوراق ليعرف كل منكما مقدار حب و اشتياق الطرف الآخر.

إحرصا على أن تتصلا ببعضكما أول شيء في الصباح وأخر شيء قبل النوم، لتشعرا بأن المسافات لم و لن تستطيع إبعادكما أو تفريقكما وأنكما وإن كنتما بعيدان جسدياً فأنتما قريبان روحياً وتساندان بعضكما البعض وحاضران معاً في كل المواقف.

إختارا عيد الحب الخاص بكما
إذا مر عيد الحب وأنتما بعيدين عن بعضكما، فلا يعني هذا ألا يكون لكما يومكما الخاص. رتبا للإحتفال بيوم عيد الحب بعد لقائكما وحتى لو كان هذا اللقاء في مارس أو أبريل أو أي شهر آخر.

إذا كانت الظروف تسمح لكِ بالقيام برحلة لزيارة حبيبكِ في يوم عيد الحب أو يمكنكما الترتيب للقاء في مكان آخر معاً والإحتفال بهذا اليوم، فهذا أروع ما يمكنكما القيام به في هذا اليوم. يؤكد هذا السفر مدى قوة الحب بينكما وأن علاقتكما تقف ضد كل التحديات والعقبات.

أفكار للمتزوجين فقط فى عيد الحب :

إذا كنت تخطط أنت وزوجتك الاحتفال بعيد الحب فى المنزل هذه المرة نقدم لكما أفكارًا متنوعة وبسيطة وغير مكلفة للتعبير عن مشاعركما فى هذا اليوم، لاستعادة ذكريات قد تساعدكما على مواصلة الحياة.

1- الورود الحمراء من أروع وأبسط الوسائل للتعبير عن مشاعر الحب.

2- طباعة بعض الصور التى تجمع ذكرياتكما «Memories Board» ووضعها فى ركن مميز بالمنزل.

3- أعيدوا قراءة الرسائل وبطاقات الحب القديمة التى أرسلها كلاكما للآخر.

4- كتابة بعض قصاصات الورق لأسباب حبك لشريك حياتك ووضعها داخل بالونات حمراء وتعليقها فى السقف أو نثرها على الأرض.

5- إعداد قالب كيك بيدك مهما كان بسيطا ويفضل قوالب الحلوى على هيئة قلوب.

6- كتابة رسائل حب وأمنيات على كروت وتوزيعها فى أماكن مختلفة من المنزل بحيث يكتشفها كل طرف.

7- إذا كنت حامل وتصادف قدوم عيد الحب فاختارى هذا اليوم لإخبار زوجك لتكون ذكرى مميزة بينكما.

8- إذا كانت زوجتك حامل فاجئها بقالب كيك معد خصيصا لها.

9- وإذا كان لديكما أطفال فلا مانع من مشاركتهم لكم فى الفلانتين بتقديم لهم الحلوى والبالونات

فكرة أخرى


ياريت تحاولوا تنفذوها علشان تستفيدوا من اليوم ده أحسن استفادة وتجددوا به حبكم، وما تقولوش "حب إيه ما إحنا خلاص اتجوزنا"؛ لأن الحب ده هو السفينة اللي بتشيل جوازكم وتوصله لبر الأمان وبتخليه يواجه عواصف كثيرة من المشكلات..
وعلى فكرة معظم البنات لما بتتجوز وتخلف وتبقى أم بتهمل نفسها وجوزها، لكن معانا النهارده بندعوكي إنك ترجعي لنفسك حب زمان بشوية أفكار بسيطة لكن رومانسية جدا..
مفاجأة الرجوع
لو كنت بتشتغلي يبقى الأحسن إن يوم عيد الحب تاخدي أجازه؛ وده علشان تعرفي تعملي الأفكار والحاجات اللي أنا هقول لك عليها ولما يرجع جوزك من الشغل يلاقيكي محضّرة له أحلى مفاجآت، بس الأول اعملي الكام نصيحة دول..
1- لو كان عندك أولاد يبقى أول خطوة لازم تعمليها هي إنك توديهم عند مامتك أو حماتك ويباتوا عندها في اليوم ده.
2- نظّفي البيت كويس؛ وعلى فكرة البيت لما يكون نظيف ده بيضفي جو من الرومانسية والراحة، وأكيد لما جوزك يرجع يلاقي البيت نظيف هيفرح بيكي أوي وهتلاقيه بيتفاعل معاكي بطريقة إيجابية وماتستغربيش لما تلاقيه بقى رومانسي.
3- بعد ما تنظفي البيت ادخلي على المطبخ علشان تحضري أحلى غذاء أو عشاء على حسب ميعاد رجوع جوزك، وتقدري ترجعي للينك "سفرة دايمة" وهتلاقي عليه وصفات كتيرة ممكن تختاري منها اللي يعجبك.
4- بعد كل اللي عملتيه ده بقى لازم تدخلي تاخدي حمام، ويا ريت لو تستعملي البخور أو البرفان بالرائحة اللي بيحبها جوزك بعد الحمام علشان تعطري جسمك.
5- ممكن لو عندك وقت تنزلي تعملي شعرك عند الكوافير قصة حلوة تليق عليكي كنوع من التغيير وكمفاجأة من المفاجآت اللي هتبهري بيها جوزك، لكن لو ماعندكيش وقت ممكن تعملي أي تسريحة في البيت يكون بقالك فترة طويلة ماعملتيهاش.
سيبي الصدف حوالي 3 ساعات علشان الشمع يبرد وينشف
6- هنيجي بقى لأهم خطوة وهي اللبس، وأحسن حاجة تعمليها هي إنك تلبسي فستان بسيط وشيك وياريت يكون جوزك ماشافهوش عليكي قبل كده.
7- ما تنسيش الميك أب وياريت يكون ميك أب كامل، كأنك رايحة فرح بالظبط أو هتحضري مناسبة مهمة.
8- بعد ما عملتي كل الحاجات اللي فاتت دي هيكون أكيد الأكل اللي طبختيه استوى وجوزك قرب يرجع البيت، فتقدري دلوقتي تغرفي الأكل في الأطباق بشكل شيك وتحطيه على السفرة.
9- بعد كده اقفلي أنوار الشقة كلها وولعي الشموع على السفرة وفي أركان الشقة، وعلى فكرة بعد شوية هنقول لك طرق مبتكرة لعمل الشموع.
10- رشي معطر للجو أو ولعي بخور في كل غرفة في البيت وخصوصاً غرفة النوم، وكمان خدي بالك إن البخور دلوقتي فيه منه روائح جديدة ومبتكرة زي الفانيليا والشيكولاته والفواكه بأنواعها، يعني إنتِ ممكن تحطي في كل غرفة ريحة شكل علشان تخلي بيتك جنة.
11- بعد كده استني جوزك وأول لما يرجع استقبليه وقولي له "كل عيد حب وأنت طيب يا حبيبي".
حطي الفتلة العريضة في وسط الصدف وامسكي طرفها بإيدك من فوق
اعملي شموعك بإيدك
ودلوقتي يا جميلة جه ميعاد إعداد شموع الصدف واللي هنقدمها لك بأكثر من طريقة علشان تنوعي وتجددي دايماً وتختاري كمان اللي يناسبك منها، واختارنا بالذات شموع الصدف لأنها سهلة جداً ورومانسية جداً جداً وهتبقى مناسبة أوي لعيد الحب وكمان الصدف موجود حوالينا وفيه ناس كتير بيبقى عندها هواية جمع الأصداف بكل أشكالها في المصايف، وكمان الشمع ده مش هيحتاج جهد كبير في إعداده وهنبتدي دلوقتي بـ..
الطريقة الأولى
كل الأدوات اللي هتحتاجيها هي:
مجموعة مختلفة من الأصداف
شمع
فتلة عريضة

وهتعملي الخطوات دي:

1- الأول هتغسلي الأصداف وتنشفيها كويس أوي.
2- وبعد كده هتسيحي الشمع.
3- صبي الشمع في الصدف.
4- حطي الفتلة في نصف الصدفة.
5- سيبي الصدف حوالي 3 ساعات علشان الشمع يبرد وينشف.
الزقي الصدف على الكوب من بره بالشكل اللي يعجبك

الطريقة الثانية

كل الأدوات اللي هتحتاجيها هي:
نفس الأدوات اللي استخدمتيها في الطريقة اللي فاتت هتستخدميها هنا بس الصدف هيكون أصغر شوية، وهتزودي على الأدوات كوب زجاج بالشكل والحجم اللي تحبيه وهتطولي الفتلة العريضة على حسب طول الكوباية.
وهتعملي الخطوات دي:
1- هتجيبي الكوب وتغسليه وتنشفيه كويس أوي.
2- وبعد كده حطي طبقة من الصدف الصغير.
3- حطي الفتلة العريضة في وسط الصدف وامسكي طرفها بإيدك من فوق.
4- صبي شوية شمع.
5- حطي كمان طبقة من الصدف.
6- صبي طبقة كمان من الشمع.
7- وكرري الخطوات اللي فاتت دي لغاية لما تملي الكوب.
الطريقة الثالثة
كل الأدوات اللي هتحتاجيها هي:
نفس الأدوات اللي استخدمتيها في الطريقة اللي فاتت بس هتزودي عليهم مسدس الشمع أو أي نوع صمغ تحبيه.
وهتعملي الخطوات دي:
1- هاتي الكوباية بتاعتك واغسليها ونشفيها كويس.
2- حطي الفتلة في نصف الكوباية وامسكي طرفها بإيدك.
3- صبي الشمع في الكوبايه.
4- استني حوالي 3 ساعات لغاية لما الشمع يبرد.
5- الزقي على الكوب من بره الصدف بالشكل اللي يعجبك، وبكده هيبقى عندك الصدف موجود على الكوب على طول وكل ما تخلص الشمعة هيفضل موجود.
وفي الآخر أحب أقول لكل زوجة إنك مش لازم تحسسي جوزك بحبك واهتمامك في عيد الحب بس لكن حاولي إنك تخلي يوم في الأسبوع أو حتى في الشهر ليكي إنت وهو وبس علشان تخلوه سوا عيد حب.

عن الكاتب

كلام حب

جميع الحقوق محفوظة

كلام حب - ملتقى الحب و الرومانسية بامتياز